Փրկարարներն իրականացրել են ջրահեռացման աշխատանքներ
ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ։ Ճգնաժամային կառավարման ազգային կենտրոն մայիսի 5-ին, ժամը 12:39-ին ահազանգ է ստացվել, որ Երևանի Նոր Արեշի 50-րդ փողոցի տներից մեկի նկուղը ջրալցվել է. անհրաժեշտ է փրկարարների օգնությունը։ «Արմենպրես»-ի փոխանցմամբ՝ այս մասին հաղորդագրություն է տարածել ՀՀ ՆԳՆ փրկարար ծառայությունը։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ ջրալցված է նաև տանը կից ավտոտնակի ավտոմեքենայի զննման փոսը և մոտակա դիտահորը:
Փրկարարները ավտոտնակից հեռացրել են մոտ 2 տոննա ջուր, իսկ դիտահորից՝ մոտ 300 լիտր:
***
Մայիսի 5-ին, ժամը 14:58-ին Ճգնաժամային կառավարման ազգային կենտրոն ահազանգ է ստացվել, որ Երևանի Դավիթ Բեկի փողոցի տներից մեկի նկուղը ջրալցվել է․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարները տան նկուղից հեռացրել են մոտ 8 տոննա ջուր։
Բաժանորդագրվեք մեր ալիքին Telegram-ում